Qazaqstandyq boksshy Daniiar Eleýsinov (5-0, 3 KO) AQSh-ta kásipqoi ringtegi altynshy jekpe-jegin ótkizdi, dep habarlaidy Sports.kz.
Otandasymyz Filadelfiiadaǵy (AQSh, Pensilvaniia shtaty) Liacouras Center arenasynda ótken boks keshinde judyryqtasty. Eleýsinov jartylai orta salmaqta 36 jastaǵy meksikalyq Silverio Ortispen (37-23, 18 KO) qolǵap túiistirdi.
Segiz raýndtyq jekpe-jek sońyna deiin sozyldy. Eleýsinov qarsylasyn tóreshilerdiń sheshimi boiynsha upai sanymen jeńdi.
Osylaisha, qazaqstandyq sportshy kásipqoi bokstaǵy altynshy jeńisine qol jetkizip otyr, onyń úsheýi – nokaýtpen. Al Ortis úshin bul sporttyq mansabyndaǵy 24-shi jeńilis.
