Shyǵys Qazaqstan oblysynyń ákimi Danial Ahmetov Altai aýdanynda qudyqqa qulap kóz jumǵan balanyń ata-anasyna kóńil aitty, dep habarlaidy QazAqparat.
«Kishkentai Álihan Talǵatovtyń ata-anasy men jaqyndaryna otbasy taǵdyryna túsken aýyr qaiǵylaryna ortaqtasa, kóńil aitamyn. Tórt kún boiy aýdan ákimi, barsha altailyqtar, Sredigornyi aýylynyń turǵyndary, sondai-aq eriktiler men qiyn jaǵdaida shet qalmai, qol ushyn sozǵan azamattar búldirshindi izdeý jumystaryna qatysty. Qapyda baýyr eti balasynan aiyrylyp qalý – orny tolmas qasiret. Kishkentai Álihannyń jarqyn beinesi árbirimizdiń júregimizde máńgi saqtalady. Jany jánnatta bolsyn! Aýdandyq ákimdik tarapynan jerleý rásimin uiymdastyrýǵa jan-jaqty kómek kórsetiledi», - dep jazdy ol óziniń Facebook paraqshasynda.
Eske salsaq, 18 tamyz kúni ShQO-nyń Altai aýdanynda 2 jasar sábi óz úiiniń aýlasynan joǵalyp ketken bolatyn. Ony izdeý úshin Óskemennen arnaiy mamandar jiberilip, áýeden dron arqyly izdeý júrgizilgen. 20 tamyzda sábidiń múrdesi óz úiiniń aýlasyndaǵy qudyqtan tabyldy.
