Shyǵys Qazaqstan oblysynyń ákimi Danial Ahmetov Semei qalasynyń turǵyndarymen kezdesip, bilim men turmys sapasyn arttyrýdyń mańyzdylyǵyn atap ótti. Bul týraly "Ult aqparat" Semei qalasynyń aqparattyq ortalyǵyna silteme jasap habarlaidy.
«Ómir sapasy degenimiz ne? Ol degenimiz asfalt tóselgen kóshemen júrý, balalardyń jaqsy mektepterde bilim alýy. Oblystaǵy barlyq mektepterde IT-baǵdarlamalaý synyptaryn ashqan elimizdegi alǵashqy óńirmiz. Bul úlken nátije berip jatyr. Biz ulttyń básekege qabilettiligin aitqan kezde, básekege qabiletti ult – bizdiń balalarymyz ekenin túsinýimiz kerek», - dedi Danial Ahmetov.
Óńir basshysy habarlaǵandai, kelesi jyldan bastap IT-baǵdarlamalaý synyptarynyń barlyq muǵalimderi álemdik talaptarǵa sai bilim alady. Demek, oqýshylar da London men AQSh-taǵydan kem bilim almaidy.
«Elimizde 11 oqýshyǵa bir kompiýterden keledi, al bizde – altaýdan. ShQO-da IT-baǵdarlamalaý synyptarynyń 70% ashylǵan. Biz ári qarai damyp, kelesi jyly oqytýshylardyń daiyndyǵyn halyqaralyq standartqa shyǵarýymyz kerek», - dep túiindedi Ahmetov.
