شىعىس قازاقستان وبلىسىنىڭ ەكٸمٸ دانيال احمەتوۆ سەمەي قالاسىنىڭ تۇرعىندارىمەن كەزدەسٸپ, بٸلٸم مەن تۇرمىس ساپاسىن ارتتىرۋدىڭ ماڭىزدىلىعىن اتاپ ٶتتٸ. بۇل تۋرالى "ۇلت اقپارات" سەمەي قالاسىنىڭ اقپاراتتىق ورتالىعىنا سٸلتەمە جاساپ حابارلايدى.
«ٶمٸر ساپاسى دەگەنٸمٸز نە? ول دەگەنٸمٸز اسفالت تٶسەلگەن كٶشەمەن جٷرۋ, بالالاردىڭ جاقسى مەكتەپتەردە بٸلٸم الۋى. وبلىستاعى بارلىق مەكتەپتەردە IT-باعدارلامالاۋ سىنىپتارىن اشقان ەلٸمٸزدەگٸ العاشقى ٶڭٸرمٸز. بۇل ٷلكەن نەتيجە بەرٸپ جاتىر. بٸز ۇلتتىڭ بەسەكەگە قابٸلەتتٸلٸگٸن ايتقان كەزدە, بەسەكەگە قابٸلەتتٸ ۇلت – بٸزدٸڭ بالالارىمىز ەكەنٸن تٷسٸنۋٸمٸز كەرەك», - دەدٸ دانيال احمەتوۆ.
ٶڭٸر باسشىسى حابارلاعانداي, كەلەسٸ جىلدان باستاپ IT-باعدارلامالاۋ سىنىپتارىنىڭ بارلىق مۇعالٸمدەرٸ ەلەمدٸك تالاپتارعا ساي بٸلٸم الادى. دەمەك, وقۋشىلار دا لوندون مەن اقش-تاعىدان كەم بٸلٸم المايدى.
«ەلٸمٸزدە 11 وقۋشىعا بٸر كومپيۋتەردەن كەلەدٸ, ال بٸزدە – التاۋدان. شقو-دا IT-باعدارلامالاۋ سىنىپتارىنىڭ 70% اشىلعان. بٸز ەرٸ قاراي دامىپ, كەلەسٸ جىلى وقىتۋشىلاردىڭ دايىندىعىن حالىقارالىق ستاندارتقا شىعارۋىمىز كەرەك», - دەپ تٷيٸندەدٸ احمەتوۆ.
