Qazaqstannyń jas ánshisi Daneliia Tóleshova The World's Vest daryndylar shoýynda amerikalyq Andra Day esimdi ánshiniń Rise up ánin oryndady, dep jazady Sputnik agenttigi.
Daneliia CBS arnasynda Astana ýaqytymen 10.00 kezinde tikelei efirde óner kórsetti, qazir videosy YouTube jelisinde bar.
Jas ánshi ádil qazylar aldyna qysqa kók kóilek pen báteńke kiip, shashyn jaiyp shyqqan. Qazylar alqasyn taldyrmash qyzdyń erekshe kúshke ie daýysy tańǵaldyrdy. Máselen, akter Rý Pol Daneliianyń tamyljyta oryndaǵan ánin tyńdaǵan kezde de tamsanǵanyn jasyrmai, sóz kezegi Daneliiaberilgende búldirshinniń daýysyn estip boiy titirkenip ketkenin aitty, oryndaýyna óte joǵary baǵasyn berdi.
Tanymal gollivýdtyq aktrisa Driý Berrimor tipti kózine jas alǵan eken.
"Qatty unady. Biz shoýda osyndai sáttiń bolaryn kútken edik, daýsyńdy estip, kózime jas aldym", - deidi aktrisanyń kóńili tolqyp.
Ánshi Feit Hill ustamdylyq tanytqanymen, qazaqstandyq qyzdyń ónerine joǵary baǵa berdi. "Ánshige ánshi retinde shyn baǵamdy bereiin. Seniń ániń qulaǵymnyń quryshyn qandyrdy. Ádemi kúlkiń, bolmysyń, jaidary mineziń. Bizge kelip, bóliskenińe kóp rahmet", - dedi Hill.
Telearnanyń Twitter paraqshasynda @theworldsbestcbs Daneliiaǵa daýys berýge bolady.
Aita ketsek, buǵan deiin Tóleshova amerikalyq The Real shoýyna qatysqan.
