Qazaqstandyq jas ánshi Daneliia Týleshova amerikandyq America's Got Talent talanttar shoýynyń úshinshi ainalymynda óner kórsetti, dep habarlaidy "Ult aqparat".
Daneliia "Sign of the Times" ánin oryndady. Ol talanttar shoýynyń Youtube kanalynda jariialandy.
«Qazaqstandyq 14 jasar juldyz Garri Stailzdyń Sign of the Times ánin tamasha oryndady. Daneliia Týleshovanyń oryndaýyndaǵy ándi jiberip almańyzdar!» - delingen videoda.
Ánshi óziniń videosy áleýmettik jelide jariialanǵannan keiin jankúierlerine júgindi.
«Dál qazir maǵan sizderdiń kómekterińiz ben qoldaýlaryńyz qajet, sondyqtan maǵan NBC.COM/AGTVOTE-de daýys berińizdershi», - dedi Daneliia Instagram-daǵy paraqshasynda.
Aitpaqshy, oryndaýshy atap ótkendei, daýys berý tek AQSh-ta turatyndarǵa ǵana qoljetimdi.
Eske salaiyq, Daneliia Týleshova shilde aiynyń sońynda amerikandyq America’s Got shoý jobasynyń úshinshi týryna ótken bolatyn. Álemge tanymal baiqaý qazir pandemiiaǵa bailanysty onlain formatta ótip jatyr.
