Qazaqstandyq jas ánshi Daneliia Tóleshova The Real amerikalyq shoýyna qatysyp, júrgizýshilerdi talantymen tańǵaldyrdy, dep habarlaidy QazAqparat tilshisi.
Bul týraly ánshi óziniń Instagram-daǵy paraqshasynda video jariialady.
Júrgizýshilerdiń biri Kaliforniiada oǵan ne unaǵanyn suraǵan. Qazaqstandyq qyz Amerikanyń dárihanalary unaǵanyn aitty.
«Amerikadan sońǵy ret ketip bara jatqanymda olardyń dúkenderi men dárihanalary esimnen ketpei qoidy. Olarda ómirge kerektiniń bári bar. Maǵan Elmer's Glue jelimderi unady. Men onymen slaim jasaǵandy unatamyn», - dedi Daneliia.
Telejúrgizýshiler onyń súikimdi ekendigin, amerikalyq dárihanalardy endi baǵalaityndaryn aitty.
Olar jas ánshiden talantynyń baryn qashan baiqaǵanyn surady.
«Men Ýkraina daýysyn jeńip alǵan kezde jasym 10-da bolatyn. Oǵan deiin gimnastikamen ainalystym, jaraqat alǵan soń án aitýdy qolǵa aldym», - dedi ol.
Jas ánshi sahnada baiqaý qazylary The World's Vest Feis Hill, Driý Berrimor, Rý Pol men Djeims Kordendi kórgenine qýanyp turǵanyn aitty.
Daneliianyń ánin estigende Driý Berrimor kózine jas aldy.
