Ýkrainanyń «Golos. Diti» baiqaýynda jeńiske jetken almatylyq ánshi Daneliia Tóleshova balalarǵa arnalǵan "Junior Eurovision" baiqaýyna qatysady. Alaida oǵan deiin Qazaqstannyń óz ishinde irikteýden ótý kerek, dep xabarlaidy "Ult aqparat".
"Endi, dál qazir naqty josparlar joq. Degenmen, Eýrovidenie jaiynda estip jatyrmyz. Irikteý bastalǵanda biz mindetti túrde qatysatyn bolamyz. Shynyn aitsaq, áli oiymyzdy jinaqtai almai, naqty jospardy qurýǵa ýaqyt bolmai jatyr", - dedi ánshi qyzdyń anasy Elena Tóleshova búgin QR Mádeniet jáne sport ministri Arystanbek Muxamediulymen bolǵan kezdesýde.
Al Daneliianyń ózi aldymen mekteptegi sabaǵyn rettep alýdy josparlap otyr. "Men ózim Eýrovideniege barýǵa qarsy emespin. Sebebi ol - óner jolyndaǵy taǵy bir úlken qadam. Biraq maǵan dál qazir mektebimde ótken sabaqtarǵa jetip alý qajet. Men kóp sabaqty ótkizip aldym. "5"-ter az bolatyn shyǵar. Degenmen barymdy salyp, jaqsy baǵalardy jinap alý kerek", - dedi Daneliia Tóleshova jýrnalisterge bergen suxbatynda.
Aita keteiik, jaqynda 10 jastaǵy almatylyq ánshi Daneliia Tóleshova Ýkrainada ótken «Golos. Diti» shoýynda jeńiske jetken bolatyn. Alǵashqy kezeńde ol áigili Demi Lovatonyń "Stone Cold" ánin oryndap, barlyq qazylar alqasyn tánti etken-tin. Bul kezeńniń video nusqasyn baiqaýdyń Youtube jelisindegi arnasynan 8 mln-ǵa jýyq adam kórgen.
Al finalda ýkrain ánshisi Sviatoslav Vakarchýktyń «Ne tvoia viina» atty kompozitsiiasyn shyrqaǵan ánshi qyz kópshilikti taǵy bir tańdandyrdy. Sonymen qatar, Daneliia Tóleshovaǵa jeńimpaz degen arnaiy ataqpen birge Disneyland Paris-de saiahattaýǵa joldama berildi.
