Densaýlyq saqtaý ministrliginiń Ulttyq qoǵamdyq densaýlyq saqtaý ortalyǵy 10 jeltoqsan kúngi Qazaqstan oblystarynyń epidemiologiialyq ahýalyn baǵalaityn matritsasyn jariialady, dep habarlaidy "Ult aqparat".
Ortalyqtyń baǵalaýynsha «qyzyl» aimaqtan Soltústik Qazaqstan shyqqanymen, Nur-Sultan qalasy kirgen. Elordamen qatar Pavlodar oblysy «qyzyl» aimaqta tur.
Al sary aimaqta Almaty qalasy, Qostanai, Aqmola, Shyǵys Qazaqstan, Soltústik Qazaqstan, Atyraý oblystary bar.
Qalǵan óńirlerdiń bári de jasyl aimaqta.
Eske sala ketsek, keshe QR Densaýlyq saqtaý vitse-ministri – bas memlekettik sanitarlyq dáriger Erlan Qiiasov Qazaqstanda koronavirýs infektsiiasyn juqtyrýdyń sharyqtaý shegine jetý yqtimaldyǵyna qatysty jańa boljamdy jariia etken bolatyn.
«Buryn Densaýlyq saqtaý ministri Qazaqstanda koronavirýsty juqtyrýdyń sharyqtaý shegi 2020 jyldyń jeltoqsany men 2021 jyldyń qańtaryna sai keletinin boljaǵan edi. Alaida qazir optimistik jaǵdai qalyptasty. Osyǵan bailanysty apta saiyn ózimizdiń boljamdy málimetterimizdi zerttep otyrmyz. Qazirgi jaǵdaida pessimistik boljamǵa súiensek, koronavirýsty juqtyrýdyń sharyqtaý shegi 2021 jyldyń qańtary men aqpanyna dóp keledi dep boljaýǵa bolady», - dedi bas sanitar dáriger OKQ-da ótken baspasóz máslihatynda.
