Koronavirýs indetiniń epidemiialyq kartasynda Qostanai oblysy "sarydan" "jasyl" aimaqqa, Atyraý oblysy "jasyldan" "sary" aimaqqa ótti. Bul týraly Koronavirýspen kúres jónindegi vedomstvoaralyq komissiianyń Telegram-kanalynda jariialandy.
Epidemiialyq kartada koronavirýs indetiniń taraý deńgeiine bailanysty úsh aimaq bar: "jasyl", "sary" jáne "qyzyl". Qyzyl tús ahýaldyń nasharlyǵyn, jasyl qalypty ekenin bildiredi. Sary tús indettiń kúsheiip turǵanyn, biraq qatań karantin engizetindei ahýalǵa jete qoimaǵanyn bildiredi.
7 naýryzdaǵy epidkartada "sary" aimaqta Nur-Sultan men Almaty qalalary jáne Atyraý, Batys Qazaqstan, Pavlodar jáne Aqmol oblystary tur. Qalǵany túgeldei "jasyl aimaqta".
"Qyzyl" aimaqqa ótken oblysta ne qalada karantin shekteýleri kúsheitiledi.
