Ótken jyldyń jeltoqsan aiynan bastap taraǵan COVID-19 indeti álemdi áli de ábigerge salyp tur. Búginge deiin pandemiia 215 eldi sharpyp, 33 millionnan astam adam aýrýǵa shaldyqty. 1 millionnan astam adam kóz jumdy. Pandemiiaǵa bailanysty ómirdi saqtandyrý jónindegi otandyq jáne sheteldik kompaniialar COVID-19 aýrýynan saqtandyrýdyń jańa tetikterin daiarlap iske qosty. Osy rette Freedom Finance Life kompaniiasy ashyq málimetterdi zerttei otyryp, saqtandyrý júieleriniń túr-túri qai elderde qalai engizilgenine taldaý jasady.
Qazaqstannan basqa AQSh, Italiia, Frantsiia, Túrkiia, Litva, Ýkraina, Resei, Qytai jáne Qyrǵyzstan elderinde saqtandyrýdyń óz erejeleri jolǵa qoiylǵan. Zertteý barysynda Freedom Finance Life - ómirdi saqtandyrý kompaniiasynyń mamandary Qazaqstannan basqa qai elderde koronavirýstan saqtandyrylýǵa bolatynyn anyqtady.
AQSh
Koronavirýstan saqtandyrýdyń naqty jańasha tetigin amerikalyq kompaniialar shyǵarǵan joq. Tek qoldanystaǵy júiege COVID-19 jáne pnevmoniiany saqtandyrý jaǵdaiy retinde engizgen. 2020 jyldyń sáýir aiynan bastap, saqtandyrý polisi bar azamattar úshin emdelý ol elde 21,9–38,7 myń dollarǵa túsedi. Odan basqa keńes berýge 34 dollar alynatyn telemeditsina servisi bar. Saqtandyrý polisi joq adamdar úshin statsionarda bir apta emdelý quny – 73,3 myń dollar.
Frantsiia
Frantsiiadaǵy saqtandyrýshylar federatsiiasy koronavirýsty tumaýǵa jáne basqa jiti respiratorlyq aýrýlarǵa teńestirýdi jón dep sheshken. Klientter ýaqytsha eńbek qabilettiliginen aiyrylǵan kezde olarǵa saqtandyrý boiynsha tólem beriledi.
Italiia
Álem elderiniń ishinde koronavirýstyń Italiiaǵa aýyr tigeni belgili. Mine sondyqtan bul elde mamandar COVID-19 aýrýynan saqtandyrýdyń birqatar sharasyn daiyndady. Mysaly, tanymal eýropalyq saqtandyrý kompaniiasy Generali korporativti klientteri úshin ShOB jáne iri korporatsiialardy qoldaý baǵdarlamasyn iske qosty. Atalǵan baǵdarlama boiynsha, saqtandyrý jaǵdaiy týyndaǵan kezde saqtandyrylǵan azamattarǵa uzaq gospitalizatsiia barysynda táýligine 100 eýro mólsherinde tólem júzege asyrylady. Sonymen qatar, emdeýden keiin klientti qalpyna keltirý úshin 3 000 eýro mólsherinde járdemaqy beriledi. Koronavirýstan saqtandyrý polisi búkil Italiiadaǵy árbir kompaniianyń 1 mln astam qyzmetkerlerinde bar ekeni belgili. Saqtandyrýdan basqa, Generali pandemiiaǵa qarsy kúresý úshin somasy 100 mln eýroǵa deiin quraityn Halyqaralyq tótenshe qoryn qurdy. Atalǵan qarajattyń bir bóligi, atap aitqanda 30 mln eýro el turǵyndaryna kómek berýge jumsalǵan.
Litva
2020 jyldyń shildesinde litvalyq saqtandyrýshylar shetelge shyǵatyn týrister úshin COVID-19 aýrýynan saqtandyrý tetigin iske qosty. Atalǵan baǵdarlamaǵa sáikes, saqtandyrylǵan adamnyń koronavirýsqa shaldyqqany anyqtalatyn bolsa, saqtandyrý kompaniialary onyń barlyq qajetti meditsinalyq shyǵyndaryn óteidi. Al tiisti jaǵdailarda, elge qaitý shyǵyndaryn jabady. Alaida bul rette týrist litvalyq bilik tyiym salǵan elge barmaýy kerek. Litva azamaty tyiym salynǵan elderde koronavirýs juqtyrsa saqtandyrý kompaniiasy onyń aldynda eshqanda mindettemeni oryndamaidy.
Túrkiia
Túrkiiada maýsym aiynda COVID-19 aýrýynan saqtandyrý tetigi eldegi barlyq týrister úshin iske qosyldy. Polis quny 13 - 23 eýro arasynda. Al tólemderi 2-7 myń eýro shamasynda. 1 maýsymnan bastap polisti Túrkiianyń barlyq áýe kompaniialary men áýejailarynda onlain resimdeýge jol ashyldy.
Ýkraina
Ýkrainany koronavirýs sharpyǵan kezde atalǵan saqtandyrý túrine suranys birden ósti. 2020 jyldyń sáýir aiynda 10-ǵa jýyq kompaniia COVID-19 aýrýynan saqtandyrý tetigin iske qosty. Ár kompaniianyń baǵasy ártúrli – bir poliske 100-1 500 grivenge deiin bolsa, saqtandyrý tólemderi 10 000-120 000 griven aralyǵynda boldy.
Resei
Koronavirýstan saqtandyrý Reseide 2020 jyldyń naýryz aiynyń basynda paida boldy. Bir jylǵa jasalatyn shartty erejelerge sáikes, saqtandyrý resimdelgen kúnnen úsh kúnnen keiin kúshine enedi. COVID-19 aýrýynan saqtandyrý quny - 2 500 nemese 10 myń rýbl arasynda. Diagnozy anyqtalǵan jaǵdaida tólemderi 20 myń, 50 myń nemese 100 myń rýbl mólsherinde beriledi.
Qytai
Qytaida osydan 20 jyl buryn el azamattarynyń úshten bir bóligi ǵana meditsinalyq saqtandyrýǵa qol jetkizgen edi. Alaida qazirgi tańda bul elde is júzinde búkil halyq saqtandyrylǵan. Atap aitqanda, tabysyna, áleýmettik mártebesine qaramastan ár azamat meditsinalyq qyzmet alýǵa tolyq quqyly. Koronavirýs paida bolǵannan bastap, Qytai úkimeti syrqattanǵan adamdardyń bárin tegin emdeitinin málimdedi. Bul sharalar, turǵyndardy meditsinalyq kómek alýǵa ýaqtyly júginýge yntalandyryp, aýrýdyń taraý qaýpi tómendedi.
Qyrǵyz Respýblikasy
Kórshiles qyrǵyz elinde jergilikti saqtandyrýshylardyń sharttaryna sáikes, koronavirýstan jasy alpysqa deiingi azamattar - 180 kúndik merzimge saqtandyrylýy múmkin. Polis quny tańdalǵan baǵdarlamaǵa táýeldi - 2 000 somnan 5 000 somǵa deiingi aqshany quraidy. Statsionarda emdelýdiń árbir kúni 1 000 somnan 2 500 somǵa deiin shyǵady.
Qazaqstan
Koronavirýstan jappai saqtandyrý elde 2020 jyldyń sáýirinde bastaldy. Maýsym aiynda Corona Protect baǵdarlamasy boiynsha Freedom Finance Life ómirdi saqtandyrý kompaniiasy bastapqy saqtandyrý tólemderin júzege asyra bastady.
Aýrýhanaǵa jatyp emdelý kezinde qazaqstandyqtar dene qyzýynyń 39-dan túspeýi, jótel, qaltyraý, tynys alý qiyndyǵy sekildi simptomdardyń baryn aityp jatty. Atalǵan baǵdarlama boiynsha eń kóp saqtandyrý tólemderi Almaty qalasynda júzege asyryldy. Kelesi kezekte tólemder atqarý tiziminde – Aqtaý qalasy. Freedom Finance Life kompaniiasynda tólem alǵan ári saqtandyrylǵan azamattardyń ortasha jasy – 30-50 jas.
Qazirgi ýaqytta Corona Protect baǵdarlamasy boiynsha 5 myńnan astam jeke jáne zańdy tulǵalar polis resimdegen. Sonyń ishinde 42% erler jáne 58% áielder quraidy.
Eske salamyz, Corona Protect saqtandyrý polisi 6 ai boiy búkil álemde qoldanady. Onyń erejelerine sáikes, emhanaǵa jatqyzylǵan kezde, qarjylyq kómek alýǵa bolady. Al saqtandyrylǵan qaitys bolǵan jaǵdaida, tólemdi muragerlerine tiedi. Tańdalǵan paketke sáikes, saqtandyrý quny 4 900 teńgeden 24 500 teńgege deiingi aralyqta bolady. Al tólemderi - 100 myń teńgeden 5 mln teńgege deiingi soma. Jasy 2-ge tolǵan jáne 60-tan aspaǵan qazaqstandyqtardyń saqtandyrylýy múmkin. Saqtandyrýdy kompaniianyń saitynda nemese SMS arqyly júzege asyrýǵa bolady.
