Elimizdiń Pavlodar men Soltústik Qazaqstan oblysynda koronavirýstyń taralýy joǵary. Sondyqtan bul óńirler «qyzyl» aimaqta jatyr, habarlaidy "Ult aqparat".
QR Densaýlyq saqtaý ministrligi Ulttyq qoǵamdyq densaýlyqty saqtaý ortalyǵynyń deregine sáikes, buǵan deiin «qyzyl» aimaqta bolǵan Shyǵys Qazaqstan, Aqmola jáne Qostanai oblystarynda ahýal birshama turaqtaldy. Bul óńirler «qyzyldan» «sary» aimaqqa ótti. Sonymen qatar «sary» aimaqta Almaty men Nur-Sultan qalalary jáne Atyraý oblysy bar. Elimizdiń qalǵan barlyq óńiri «jasyl» aimaqta.
«Qyzyl» aimaqta qatań shekteý sharalary engizilgen. Al «sary» aimaqta qoldanystaǵy karantin sharalary saqtalyp, olardy baqylaý kúsheitiledi. «Jasyl» aimaqtaǵy óńirler úshin shekteý sharalary jeńldetilýi múmkin.
