Almatydaǵy Qorǵanys ministrliginiń áskeri klinikalyq gospitalinde koronavirýstyń taralýy jaǵdaiynda meditsina personaldaryn arnaiy taktikalyq daiarlaý sabaǵy ótti, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Áskeri dárigerler is-qimyl tártibin qarap, qaýipti infektsiianyń belgileri nemese diagnozy qoiylǵan kezde qyzmetkerlerge habarlaý syzbasyn pysyqtady.
Jappai túsip jatqan naýqastardy alǵashqy bólý jáne ornalastyrý erejeleri, tekserý ádisteri erekshe nazarǵa alyndy. Bul máseleler basshylyq, dárigerler, meditsina personaldarynyń praktikalyq sabaǵynyń bir bóligi retinde jan-jaqty taldandy.
Sabaq barysynda infektsiianyń taralý qaýipsizdiginiń erejelerin saqtaý, jeke qorǵanys quraldaryn paidalaný, juqtyrý aimaǵynda bolý jáne ol jerden shyqqandaǵy máseleler egjei-tegjeili pysyqtaldy.
Oqý-jattyǵýǵa qatysýshylar sondai-aq, shuǵyl jaǵdaida jinaqy jáne jedel jumys isteý, sanitarlyq-epidemiologiialyq normalardy qamtamasyz etý men naýqastarǵa sapaly meditsinalyq kómek berýge qajetti kásiptik daiarlyqtyń joǵary deńgeiin kórsetti.
