© Photo: Rixabay/Steve Buissinne
Astanada sot oryndaýshylary múgedek retinde áleýmettik járdemaqy alýshy 27 boryshkerdiń bank shotyna buǵat qoiǵan, - dep habarlaidy "Ult aqparat" Astana prokýratýrasyna silteme jasap.
Vedomstvo málimetinshe, Qazaqstan Respýblikasynyń "Tólemder jáne tólem júieleri týraly" Zańyna sáikes, memlekettik biýdjetten jáne (nemese) memlekettik áleýmettik saqtandyrý qorynan tólenetin járdemaqylar men áleýmettik tólemderdi esepke alýǵa arnalǵan bank shottaryna tyiym salýǵa jol berilmeidi.
"Prokýrorlyq qadaǵalaý aktisi negizinde jarty million teńgeniń qarajaty qaitarylyp, bank shottarynan tyiym salýdy alyp tastaý qamtamasyz etilip, 27 tulǵanyń 1,2 million teńge qarajatqa qol jetkizýine múmkindik berildi.
Qazirgi ýaqytta qala prokýratýrasy ýákiletti organmen birlesip, normativtik quqyqtyq aktilerge tiisti ózgerister engizý máselesin qarastyrylyp jatyr", - delingen habarlamada.
