Copernicus Sentinel-2 spýtnigi Alakóldi ǵaryshtan túsirdi, dep habarlady spaceref.com.
Amerikanyń jýrnalisteri Qazaqstannyń Balqash-Alakól oipatynda ornalasqan tuzdy kólge qyzyǵýshylyq tanytty. Ol qys aiaǵynda shamamen eki ai qatady da, kóktemniń basynda eridi. Alakólge týrister kóptep keledi. Kól - mineraldarǵa bai, balshyǵynyń emdik qasieti bar.
Sondai-aq, sýrettiń sol bóliginde alliývialdy túzilimmen erekshelenetin egistik alqaptary beinelengen. Jońǵar Alataý taýynan aqqan sý jazyqqa qarai bet alyp, artynan qunarly qabat qaldyryp, jaiyla túsedi. Alakólge tereńdegen saiyn jasyl, kók tústi túrli reńkterdi baiqaýǵa bolady.
Balqash-Alakól oipatynda eki kól bar: Qoshqarkól, Sasyqkól. Olar IýNESKO-nyń erekshe qorǵalatyn tabiǵi aýmaǵyna jatady. Bul jerde buira birqazan, onyń ishinde qyzyl qoqiqaz meken etedi.
SpaceRef basylymy 1999 jyly Virdjiniia shtatynda qurylǵan. Media kompaniianyń baǵyty - ǵarysh salasy. Kompaniia ǵaryshqa qatysty taqyryptardy zertteidi, alaida ǵylymǵa qatysty qyzyqty kontentter jasaidy.
