Búgin, 24 aqpanda sońǵy eki jup UEFA Chempiondar ligasy 1/8 finalyndaǵy alǵashqy oiyndaryn ótkizedi, dep habarlaidy "Ult aqparat".
Alǵashqy jupta Germaniianyń «Borýssiia» (Mionhengladbah) jáne Angliianyń «Manchester Siti» komandalary ózara sheberlik baiqasady. Oiyn elorda ýaqytymen 01.50-de bastalyp, «Qazaqstan» telearnasynan tikelei efirde kórsetiledi.
Eki komanda buǵan deiin atalǵan týrnirde tórt márte kezdesti. Onyń úsheýinde aǵylshyndyq klýb basym tússe, bireýinde teń nátije tirkeldi.
Komandalar sapynda jaraqat alǵan oiynshylar bar. «Borýssiia» sapynan búgin Famana Kizera, Mamadý Dýkýre, Djozef Skalli búgingi oiynnan shet qalsa, olardyń qataryn «Manchester Siti» klýbynan Serhio Agýero men Natan Ake tolyqtyrdy.
Ekinshi kezdesýde «Atalanta» (Italiia) men «Real Madrid» (Ispaniia) klýbtary jasyl alańǵa shyǵady. Oiyn elorda ýaqytymen 01.50-de bastalyp, «Qazsport» telearnasynan tikelei efirde kórsetiledi.
Eki komanda buǵan deiin Chempiondar ligasynda birde-bir márte kezdesken emes.
Búgingi kezdesýde «Atalantanyń» barlyq oiynshylaryn jasyl alańǵa shyǵarýyna múmkindigi bar. Al «Real Madrid» klýbynan alǵan jaraqatyna bailanysty Federiko Valverde, Marselo, Eden Azar, Alvaro Odriosola, Daniel Karvahal, Eder Militao, Serhio Ramos, Rodrigo, Karim Benzema, Hesýs Valeho kezdesýdi syrttan tamashalaýǵa májbúr. Ispaniialyq klýb qarsylasyn qapy qaldyra ala ma?
Aita keteiik, budan buryn týrnirdiń atalǵan satysynda alty jup ózara alǵashqy kezdesýin ótkizip úlgerdi. Máselen, 16 aqpanda syrt alańda «Liverpýl» «Leiptsigti» 2:0, «Pari Sen-Jermen» «Barselonany» 4:1 esebimen jeńdi.
Al 17 aqpanda óz alańynda «Portý» «Iýventýsten» 2:1 esebimen basym tússe, «Sevilia» «Borýssiia Dortmýnd» klýbyna 2:3 esebimen ese jiberdi.
Sondai-aq, 23 aqpanda «Bavariia» (Germaniia) «Latsio» (Italiia) klýbynan 4:1, Angliianyń «Chelsi» klýby syrt alańda Ispaniianyń «Atletiko Madrid» komandasynan 1:0 esebimen basym tústi.
