UEFA Chempiondar ligasy 2020/2021 jylǵy kezeńinde Germaniianyń «Bavariia» komandasy jeńimpaz atandy, dep habarlaidy "Ult aqparat".
Portýgaliia astanasy - Lissabon qalasynda ótken finaldyq oiynda Germaniianyń «Bavariia» jáne Frantsiianyń «Pari Sen-Jermen» komandalary kezdesti. Eki komanda da jeńiske jetýge baryn saldy. Búgingi kúnge deiin «Bavariia» finalǵa on márte shyǵyp, onyń beseýinde chempion atanǵan edi. Al «Pari Sen-Jermen» jarystyń alǵashqy satysynda tuńǵysh márte baq synap otyr.
Búgingi kezdesýde eki komanda tarapynan shabýyl kóbirek órbidi. Birinshi kezeńde olardyń tarapynan gol soǵatyn birneshe múmkindik boldy. Dese de ony fýtbolshylar golǵa ainaldyra alǵan joq.
Ekinshi kezeńdegi oiyn barysy sondai qarqynda boldy. Úzilisten keiin qos komanda bir-biriniń qaqpasynan sańylaý izdeýge tyrysty. Oiynnyń 59-minýtynda Kingsli Koman «Bavariia» komandasyn alǵa shyǵardy. Kezdesýde nemis komandasy 1:0 esebimen jeńiske jetti.
«Bavariia» osylaisha óz tarihynda altynshy márte atalǵan týrnirdiń jeńimpazy atandy. Budan buryn nemis komandasy 1974, 1975, 1976, 2001, 2013 jyldarda chempiondyq ataqqa qol jetkizgen bolatyn.
Aita keter bolsaq, Chempiondar ligasynyń shirek finalynan bastap qalǵan bóligi Portýgaliia astanasy - Lissabon qalasynda ótti. Ol segizdik finaly formatynda oinaldy.
