Kórneki sýret: caravan.kz
Arqankergen isi boiynsha ómir boiyna bas bostandyǵynan aiyrylǵan Vladislav Chelahtan áli jaýap alynǵan joq. Aryzy Bas prokýratýranyń qaraýynda. Bul týraly bas prokýrordyń orynbasary Áset Shyndaliev málimdedi, dep habarlaidy Sputnik Qazaqstan.
Aitýynsha, Chelah aryz boiynsha óz túsiniktemesin bergen.
"Chelahtyń aryzy bizdiń qaraýymyzda jatyr. Nátijesi boiynsha oǵan jaýap beremiz. Odan jaýap alynǵan joq", - dedi Shyndaliev Májilis kýlýarynda.
Buǵan deiin birqatar BAQ-ta Vladislav Chelahtyń málimdemesi tarady. Ol Arqankergendegi oqiǵa shyn máninde qalai bolǵanyn aitamyn dep málimdegen edi.
2012 jyly shekarashy Vladislav Chelah 14 áskeri qyzmetshi men bir qoryqshyny óltirgeni úshin kináli dep tanylyp, ómir boiyna bas bostandyǵynan aiyrylǵan bolatyn.
