Qazaqstannyń Syrtqy ister ministri Erlan Ydyrysov elimizge resmi saparmen kelgen Chexiianyń syrtqy jáne eýropalyq ister ministri Liýbomir Zaoralekpen kezdesti. Kezdesý aiasynda qos taraptar Praga qalasynda qazaqtyń uly aqyny Abai Qunanbaevqa arnap eskertkish turǵyzýǵa ýaǵdalasty, dep xabarlaidy QazAqparat.
«Búgingi kezdesýde ekijaqty saýda-ekonomikalyq, mádeni-gýmanitarlyq jáne xalyqaralyq máseleler talqylandy. Qazaqstan men Chexiia arasyndaǵy yntymaqtastyqtyń jańa baǵyttaryn belgiledik. Biz Chexiianyń mashina jasaý, aýyl sharýashylyǵy men densaýlyq saqtaý salasyndaǵy úlken áleýetin bilemiz. Dál, osy baǵyttarǵa basymdyq beriledi. Qazirgi kezde Chexiia jerinde kóptegen qazaqtandyq stýdentter bilim alyp júr. Al mádeniet salasyna keler bolsaq, jaqyn arada Praga qalasynda bizdiń uly aqynymyz Abaiǵa eskertkish ornatylady dep senemiz», – dedi kezdesýden keiingi brifingte E.Ydyrysov. Sonymen qatar, minstr: «Biz Chexiianyń astanasy – Praga qalasynda Abai eskertkishin ornatýǵa kelistik», – dedi.
Aldaǵy ýaqytta eskertkishtiń jeri anyqtalady. Ony qalanyń qaq ortasynda ashý josparlanǵan. Chexiia syrtqy ister ministri Liýbomir Zaoralek óz kezeginde qazaq tilinde amandasyp, Astanadaǵy qonaqjailylyq úshin óz alǵysyn da qazaq tilinde jetkizdi. Sapar barysynda onyń Prezident N.Nazarbaevpen kezdesetini josparlanǵan. Budan bólek, Qazaqstan-Chexiia biznes forýmyna qatysady.
Aita keteiik, L.Zaoralekpen birge kelgen delegatsiianyń quramynda 30-dan astam biznesmen, osy eldiń aimaqtyq damý ministri, sondai-aq Astanadaǵy EKSPO-2017 kórmesindegi Chexiia pavilonynyń ulttyq komissary bar. E.Ydyrysovpen ótken búgingi kezdesý aiasynda QR Prezidenti janyndaǵy basqarý akademiiasy men Chexiianyń syrtqy ister ministrliginiń diplomatiialyq akademiiasy arasynda ózara yntymaqtastyq týraly memorandýmǵa qol qoiyldy.
