قازاقستاننىڭ سىرتقى ٸستەر مينيسترٸ ەرلان ىدىرىسوۆ ەلٸمٸزگە رەسمي ساپارمەن كەلگەن چەxييانىڭ سىرتقى جەنە ەۋروپالىق ٸستەر مينيسترٸ ليۋبومير زاورالەكپەن كەزدەستٸ. كەزدەسۋ اياسىندا قوس تاراپتار پراگا قالاسىندا قازاقتىڭ ۇلى اقىنى اباي قۇنانباەۆقا ارناپ ەسكەرتكٸش تۇرعىزۋعا ۋاعدالاستى, دەپ xابارلايدى قازاقپارات.
«بٷگٸنگٸ كەزدەسۋدە ەكٸجاقتى ساۋدا-ەكونوميكالىق, مەدەني-گۋمانيتارلىق جەنە xالىقارالىق مەسەلەلەر تالقىلاندى. قازاقستان مەن چەxييا اراسىنداعى ىنتىماقتاستىقتىڭ جاڭا باعىتتارىن بەلگٸلەدٸك. بٸز چەxييانىڭ ماشينا جاساۋ, اۋىل شارۋاشىلىعى مەن دەنساۋلىق ساقتاۋ سالاسىنداعى ٷلكەن ەلەۋەتٸن بٸلەمٸز. دەل, وسى باعىتتارعا باسىمدىق بەرٸلەدٸ. قازٸرگٸ كەزدە چەxييا جەرٸندە كٶپتەگەن قازاقتاندىق ستۋدەنتتەر بٸلٸم الىپ جٷر. ال مەدەنيەت سالاسىنا كەلەر بولساق, جاقىن ارادا پراگا قالاسىندا بٸزدٸڭ ۇلى اقىنىمىز ابايعا ەسكەرتكٸش ورناتىلادى دەپ سەنەمٸز», – دەدٸ كەزدەسۋدەن كەيٸنگٸ بريفينگتە ە.ىدىرىسوۆ. سونىمەن قاتار, مينستر: «بٸز چەxييانىڭ استاناسى – پراگا قالاسىندا اباي ەسكەرتكٸشٸن ورناتۋعا كەلٸستٸك», – دەدٸ.
الداعى ۋاقىتتا ەسكەرتكٸشتٸڭ جەرٸ انىقتالادى. ونى قالانىڭ قاق ورتاسىندا اشۋ جوسپارلانعان. چەxييا سىرتقى ٸستەر مينيسترٸ ليۋبومير زاورالەك ٶز كەزەگٸندە قازاق تٸلٸندە امانداسىپ, استاناداعى قوناقجايلىلىق ٷشٸن ٶز العىسىن دا قازاق تٸلٸندە جەتكٸزدٸ. ساپار بارىسىندا ونىڭ پرەزيدەنت ن.نازارباەۆپەن كەزدەسەتٸنٸ جوسپارلانعان. بۇدان بٶلەك, قازاقستان-چەxييا بيزنەس فورۋمىنا قاتىسادى.
ايتا كەتەيٸك, ل.زاورالەكپەن بٸرگە كەلگەن دەلەگاتسييانىڭ قۇرامىندا 30-دان استام بيزنەسمەن, وسى ەلدٸڭ ايماقتىق دامۋ مينيسترٸ, سونداي-اق استاناداعى ەكسپو-2017 كٶرمەسٸندەگٸ چەxييا پاۆيلونىنىڭ ۇلتتىق كوميسسارى بار. ە.ىدىرىسوۆپەن ٶتكەن بٷگٸنگٸ كەزدەسۋ اياسىندا قر پرەزيدەنتٸ جانىنداعى باسقارۋ اكادەميياسى مەن چەxييانىڭ سىرتقى ٸستەر مينيسترلٸگٸنٸڭ ديپلوماتييالىق اكادەميياسى اراسىندا ٶزارا ىنتىماقتاستىق تۋرالى مەموراندۋمعا قول قويىلدى.
