Cemeilik órt sóndirýshiler 1879 jylǵy ǵimaratta shyqqan jalynmen 10 saǵat boiy arpalysýda, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 26 aqpanda saǵat 00.46-da Abai dańǵylynyń boiynda ornalasqan JShS-nyń ekiqabatty ǵimaratynda órt shyqqan. Órt sóndirýshiler oqiǵa ornyna birden kelip jetti. Aǵashtan salynǵan 1879 jylǵy ǵimarattyń qabyrǵalaryn, edenin, jihazdardy jáne jeke zattardy jalyn sharpyǵan.
«Qazirgi ýaqytta tilsiz jaýmen 19 tehnika men 55 adam kúresýde. Aldyn ala málimet boiynsha, jalyn 600 sharshy metr aýmaqty sharpydy», - delingen habarlamada.
Órttiń shyǵýyna – elektr jabdyqtaryn montajdaý jáne paidalaný kezinde qaýipsizdik talaptaryn saqtamaý, elektr jabdyqtarynyń apattyq jaǵdaida bolýy nemese otpen abaisyz áreket etý sebep bolýy múmkin.
