BJZQ tólem alýǵa ótinish bermegen zeinetkerlerdi izdestirýde, dep habarlaidy "Ult aqparat" Qordyń baspasóz qyzmetine silteme jasap.
Aǵymdaǵy jyly BJZQ «Azamattarǵa arnalǵan úkimet» memlekettik korporatsiiasymen zeinetkerlik jasqa tolǵan, jasyna bailanysty zeinetaqy tólemderi jáne biýdjet qarajaty esebinen memlekettik bazalyq zeinetaqy tólemi taǵaiyndalǵan, biraq zeinetaqy jinaqtaryn tóleý úshin BJZQ-ǵa ótinish bermegen adamdardyń ýákiletti organnyń halyqty áleýmettik qorǵaý salasyndaǵy aqparattyq júiesinde bar ekendigin salystyryp tekserýdi júzege asyra bastady.
Salystyryp tekserý, sondai-aq, BJZQ-dan zeinetaqy tólemderin alý boiynsha belsendi qyzmet kórsetý úshin memlekettik derekter bazasynda tirkelgen alýshylardyń ýákiletti organda uialy bailanys nómirleriniń bar bolýyna júrgiziletin bolady.
2018 jylǵy 11 qazannan bastap zeinetkerlik jasqa tolýǵa bailanysty biryńǵai ótinish berýge bolatyn «bir tereze» qaǵidaty boiynsha kompozittik qyzmet engizilgenin eske salamyz. Onyń aiasynda zeinetkerlik jasqa tolǵan alýshy biryńǵai ótinishpen jáne qujattar toptamasymen Memlekettik korporatsiia bólimshelerine (iaǵni HQO-ǵa) júginedi.
Alaida BJZQ aqparattyq júielerinde Qordan tólemder júzege asyrylmaityn 200 myńnan asa shot (200 160) bar. Bul rette zeinetkerlik jasqa jetken azamattar biýdjetten qarajattaryn alyp jatyr. Olardyń kópshiligi zeinetker qataryna 2018 jyldyń 11 qazanyna deiin qosylǵan.
BJZQ salymshylardyń derekterin sáikestendirý boiynsha jumystar júrgizip, 2021 jylǵy 1 sáýirden bastap Qordan tólemder júzege asyrylatyn tulǵalardyń tizimin jasaqtady. Endi osy sanatta bar adamdardyń telefon nómirlerine (ol mobildi azamattar bazasynda tirkelýi tiis) BJZQ-dan zeinetaqy tólemderin taǵaiyndaý boiynsha belsendi qyzmet kórsetý usynylǵan sms-habarlama joldanady. Kelisim alynǵannan keiin bul azamattarǵa BJZQ-dan tólemder Memlekettik korporatsiiaǵa alýshylardyń jasyna bailanysty zeinetaqy tólemderi men memlekettik bazalyq zeinetaqy tólemderin taǵaiyndaý kezinde usynǵan bank shottaryna jiberiletin bolady.
Zeinetaqy tólemderin júzege asyrý qaǵidalarynyń erejelerine sáikes BJZQ-dan mindetti zeinetaqy jarnalary men mindetti kásiptik zeinetaqy jarnalary esebinen zeinetaqy tólemderi ai saiyn belgilengen keste boiynsha júzege asyrylady.
Ai saiynǵy zeinetaqy tóleminiń mólsheri Qazaqstan Respýblikasy Úkimetiniń 2013 jylǵy 2 qazandaǵy № 1042 qaýlysymen bekitilgen Zeinetaqy tólemderiniń mólsherin esepteýdi júzege asyrý ádistemesine (budan ári – Ádisteme) sáikes eseptelgen zeinetaqy tólemderiniń jyldyq somasynyń on ekiden bir bóligi retinde aiqyndalady. Ádistemege sáikes 2021 jyldyń 1 sáýirinen bastap zeinetaqy tólemderin júzege asyrýdyń birinshi jylyndaǵy zeinetaqy tólemderiniń jyldyq somasy zeinetaqy jinaqtary somasynyń zeinetaqy jinaqtary tólemderiniń mólsherlemesine kóbeitindisi retinde esepteletin bolady – 6,5 %.
Odan keiingi jyldary ai saiynǵy zeinetaqy tóleminiń mólsheri ótken jylǵy ai saiynǵy zeinetaqy tóleminiń mólsherin zeinetaqy tólemderin indeksteý mólsherlemesine jyl saiyn arttyrý jolymen qaita esepteletin bolady – 5%.
Bul rette ai saiynǵy zeinetaqy tóleminiń eseptelgen mólsheriniń tólemi respýblikalyq biýdjet týraly zańda tiisti qarjy jylyna belgilengen eń tómen kúnkóris deńgeiiniń 70 paiyzynan kem emes mólsherde júzege asyrylady (2021 jyly – 24 011,40 teńge = 70% * 34 302).
Eger ótinish berilgen kúngi zeinetaqy jinaqtarynyń somasy tiisti qarjy jylyna arnalǵan respýblikalyq biýdjet týraly zańda belgilengen eń tómen zeinetaqynyń on eki eselengen mólsherinen aspaǵan jaǵdaida, bul soma alýshyǵa BJZQ-dan bir ret tólenedi (2021 jyly - 519 264 teńge = 12 * 43 272).
Eger kezekti ai saiynǵy tólem júzege asyrylǵannan keiin JZSh-daǵy zeinetaqy jinaqtarynyń qaldyǵy tiisti qarjy jylyna arnalǵan respýblikalyq biýdjet týraly zańda belgilengen eń tómen kúnkóris deńgeiiniń 70 paiyzynan az somany quraǵan jaǵdaida, bul qaldyq kezekti tólemniń somasymen birge tólenedi.
