«Biryńǵai jinaqtyq zeinetaqy qory» akitsonerlik qoǵamynyń basqarma tóraǵasy Janat Qurmanov birjolǵy zeinetaqy tólemin alýdyń shekti mólsheri nege ózgertilgeni týraly pikir bildirdi, dep habarlaidy QazAqparat.
Janat Qurmanov birjolǵy zeinetaqy tóleminiń ósýine keshe qabyldanǵan Biýdjet týraly zańnyń túrtki bolǵanyn meńzeidi.
Eske salsaq, keshe Prezident Qasym-Jomart Toqaev «2022-2024 jyldarǵa arnalǵan respýblikalyq biýdjet týraly» QR Zańyna qol qoiǵan bolatyn. Onda 2022 jylǵy 1 qańtardan bastap birqatar áleýmettik-ekonomikalyq parametrlerdi ulǵaitý kózdelgen. Eń tómengi jalaqy aǵymdaǵy 42,5 myń teńgeden 60 myń teńgege deiin ulǵaitylady. Sondai-aq, eń tómengi zeinetaqy, eń tómengi bazalyq zeinetaqy tólemderiniń mólsheri de ósetin boldy.
«Qazaqstan Respýblikasynda zeinetaqymen qamsyzdandyrý týraly zańda «Zeinetaqy jinaqtarynyń eń tómen jetkiliktiliginiń shegi mindetti zeinetaqy jarnalary jáne mindetti kásiptik zeinetaqy jarnalary esebinen qalyptastyrylǵan ai saiynǵy zeinetaqyny qamtamasyz etý úshin qajetti zeinetaqy jinaqtarynyń respýblikalyq biýdjet týraly zańda belgilengen eń tómen zeinetaqy mólsherinen tómen emes eń tómen mólsheri» dep aiqyndalǵan.
«Eń tómengi jetkiliktilik shegi jyl saiyn Qazaqstan Respýblikasy Úkimetiniń 2013 jylǵy 2 qazandaǵy №1042 qaýlysymen bekitilgen Ádisteme boiynsha qaita esepteledi jáne BAQ-ta jariialanady», - deidi BJZQ basshysy.
Bekitilgen ádisteme boiynsha tómen jinaqtyq shek mólsheri jinaq iesiniń jasyna qarai esepteledi jáne bolashaq zeinetaqy tólemderi men zeinetaqy jarnalarynyń ósýin (indekstelýin) eskeredi.
«Bul rette QR «Respýblikalyq biýdjet týraly» Zańyna sáikes, jyl saiyn indeksteletin eń tómengi jalaqy (ETJ), eń tómengi zeinetaqy (ETZ), eń tómengi kúnkóris deńgeii (ETKD) siiaqty áleýmettik kórsetkishter qoldanylady. Osyǵan bailanysty tómen jinaqqtyq shek mólsherin esepteý jyl saiyn atalǵan kórsetkishterdiń ósýin eskere otyryp júrgiziledi.
Osy kórsetkishterdiń ózgerýine bailanysty Úkimettiń qoldanystaǵy qaýlysyna boiynsha 2022 jylǵy 1 qańtardan bastap tómengi jetkiliktilik mólsheri qaita esepteldi. Osy mólsherden assa, azamattar óz jinaqtarynyń bir bóligin Turǵyn úi jaǵdailaryn jaqsartý, emdelýge aqy tóleý, sondai-aq jeke basqarýshy kompaniialarǵa investitsiialyq basqarýǵa berý úshin paidalana alady», - deidi Janat Qurmanov.
