Búgin Úkimet otyrysynda biýdjet qarjysyn igere almaǵan ákimdikter men ministrlikter ataldy, – dep habarlaidy «Ult aqparat».
«Jalpy memlekettik biýdjettiń shyǵystary 98,3 paiyzǵa, respýblikalyq biýdjettiki 99,4 paiyzǵa jáne jergilikti biýdjetterdiń shyǵysy 97,4 paiyzǵa atqaryldy (igerildi). Jyl basynan beri memlekettik biýdjetten 12 trln 352 mlrd teńge bólingen edi. Al respýblikalyq biýdjettiń shyǵystary 10 trln 594 mlrd teńgege atqaryldy» dedi QR Premer-Ministriniń birinshi orynbasary - Qarjy ministri Álihan Smaiylov.
Qarjy ministriniń aitýynsha, biyl igerilmegen qarajat kólemi 50 mlrd teńgeni qurap otyr.
«Oryndalǵan jumystar aktilerin ýaqytyly usynbaý, sharttar, qosymsha kelisimder jasasý rásimderin uzaq júrgizý nemese sotta qaralyp jatqan isterge bailanysty kei jaǵdaida bólingen qarajat igerilmei jatyr» dedi ol.
Qarajattyń igerilmeýiniń eń iri somalary kelesi óńirlerde baiqalyp otyr: Túrkistan oblysy – 12 mlrd teńge, Nur-Sultan qalasy – 8 mlrd teńge, Shymkent jáne Almaty qalalarynda tiisinshe 7 mlrd teńge jáne 6 mlrd teńge, Atyraý jáne Mańǵystaý oblystarynda – 3 mlrd teńge.
