2020 jyly Qazaqstanda jarty millionǵa jýyq bala dúniege keldi, dep habarlaidy "Ult aqparat" QR Strategiialyq josparlaý jáne reformalar agenttigi Ulttyq statistika biýrosyna silteme jasap.
Aldyn ala derekter boiynsha, 2020 jylǵy qańtar-jeltoqsanda elimizde 425,6 myń náreste týdy. Bul, 2019 jyldyń tiisti kezeńimen salystyrǵanda 22,6 myń adamǵa nemese 5,6% kóp jáne týǵandar sany boiynsha osynyń aldynda - 1987 jyly bolǵan rekordtan (417,1 myń adam) 8,5 myń adamǵa nemese 2% artyq.
Qalalyq jerlerde – 248,7 myń adam (58,4%), aýyldyq jerlerde 176,9 myń adam (41,6%) dúniege keldi.
Barlyq týǵandardyń jartysynan kóbi eldiń 6 óńirinde tirkelgen:
Túrkistan oblysy (14,4%),
Almaty oblysy (12,7%),
Almaty qalasy (8,3%),
Shymkent qalasy (7,4%),
Nur-Sultan qalasy (7%),
Jambyl oblysy (6,9%).
