2020 jyly Bilim jáne ǵylym ministrligi eńbek naryǵynyń talaptaryna sáikes kelmeitin 7 joǵary oqý ornyn jaýyp, 33 uiymnan suranysy az baǵyttar boiynsha 109 litsenziiany qaitaryp alǵan, dep habarlaidy "Ult aqparat".
Bul týraly Premer-Ministrdiń orynbasary Eraly Toǵjanov Májilis ókilderiniń depýtattyq saýalyna bergen jaýabynda aitty.
«Akademiialyq derbestikke bailanysty joǵary jáne joǵary oqý ornynan keiingi bilim berý uiymdary jumys berýshilermen birlesip, eńbek naryǵynyń qajettiligin eskere otyryp, bilim berý baǵdarlamalaryn derbes ázirleidi. Bilim berý baǵdarlamalaryn ázirleý kezinde ikemdi, kásibi jáne kásipkerlik daǵdylar men tsifrlandyrýdy damytýǵa basty nazar aýdarylady. Qazirgi zamanǵy trendterdi jáne jumys berýshilerdiń talaptaryn eskere otyryp, atalmysh uiymdar bilim berý baǵdarlamalaryn jańartyp otyrady», - deidi vitse-Premer.
Sondai-aq, Eraly Toǵjanov qazir tizilimge 9011 baǵdarlama engizilgenin, onyń ishinde 268-i innovatsiialyq baǵdarlama ekenin atady.
«Jumys berýshilerdi akademiialyq protseske barynsha tartý úshin joǵary oqý oryndary, biznes ókilderi men sheteldik sarapshylar arasynda dialog alańdary men jergilikti konsortsiýmdar qurylýda. Bilim berý baǵdarlamalarynyń mazmunyna akademiialyq jazý jáne zertteý ádisteri boiynsha pánder engizildi. Ministrlik eńbek naryǵynyń talaptaryna sáikes kelmeitin JJOKBU-lardy ońtailandyrý jumysyn jalǵastyrýda. 2020 jyly 7 JJOKBU jabyldy. 33 JJOKBU kadrlardy daiarlaýdyń beiindi emes baǵyttary boiynsha 109 litsenziiany qaitardy», - delingen depýtattyq saýalǵa joldanǵan jaýapta.
