Birikken ulttar uiymynyń Aýǵanstanǵa kómek kórsetý jónindegi missiiasynyń arnaiy ókili jáne basshysy Debora Laions missiia qyzmetkerleri Almatydan Kabýlǵa qalai qatynaýy múmkin ekenin aitty, dep habarlaidy QazAqparat agenttigi.
«Biz Almatydan Aýǵanstanǵa tikelei reis jasaý úshin kelisimshart jasai alamyz. Biraq qazir bul múmkin emes. Degenmen, halyqaralyq qyzmetkerlerimiz Aýǵanstanǵa ushyp, bir-birin aýystyryp otyrýy úshin aldaǵy ailarda osyndai dáliz qura alamyz dep úmittenemiz. Bul bizge Aýǵanstandaǵy jumysymyzdy jalǵastyrýǵa múmkindik beredi. Osylaisha, qyzmetkerlerdi almastyryp otyrar edik», - dedi Debora Lions ortalyq kommýnikatsiialar qyzmetinde ótken brifingide.
BUU ókili bul másele jýyq arada birjaqty sheshilýi múmkin degen oi aitty.
«Kóbimiz koronavirýs infektsiiasynyń saldarynan qashyqtan jumys isteýge úirenip qaldyq. Biz Kabýlmen óte tiimdi bailanys ornattyq, osy kezdesýden shyqannank keiin men Kabýlmen kóptegen máseleni sheshý úshin birqatar qońyraý shalýym kerek. Adamdardyń aýysymyn qamtamasyz etý úshin, árine, reisterdiń bolýy óte mańyzdy jáne bul biz jumys isteitin negizgi basymdyqtardyń biri bolady. Biz bul máselelerdi Dohamen de talqylap jatyrmyz», - dedi Birikken ulttar uiymynyń Aýǵanstanǵa kómek kórsetý jónindegi missiiasynyń arnaiy ókili.
