Dúniejúzilik meteorologiia uiymy (DMU) aldaǵy bes jylda Jerde jańa temperatýra rekordy ornatylady dep boljap otyr. Mundai boljam sársenbi kúni Jenevada jasaldy.
«Ortasha temperatýranyń jańa jahandyq rekordy aldaǵy bes jylda tirkeledi (2020-2024 jyldary)», - delingen Dúniejúzilik meteorologiia uiymynyń resmi saitynda.
«Boljam boiynsha, temperatýra ári qarai ósýi múmkin, ásirese endikte jáne qurlyqta joǵary bolady», - dep málimdedi DMU.
Sarapshylar sońǵy bes jyldaǵy rekordtyq kórsetkishke jetken «klimattyń ózgerýi men onyń ǵalamsharǵa yqpalyna» nazar aýdaryp otyr. Uiymnyń málimetinshe, «temperatýra – klimattyń indikatorlardyń biri ǵana». Basqa indikatorlarǵa atmosferadaǵy kómirtegi qos totyǵynyń kontsentratsiiasy, muhit qyshqyldyǵynyń qyzýy jáne kúsheiýi, teńiz deńgeiiniń kóterilýi jáne Arktika men Antarktikadaǵy muzdardyń tepe-teńdiginiń ózgerýi jatady. Qazirgi ýaqytta «barlyq indiktorlar sońǵy bes jylda klimattyń jyldam ózgergenine dálel bolyp otyr».
