Energetika ministri Nurlan Noǵaev elimizde Atom elektr stantsiiasyn salý máselesine qatysty pikirin bildirdi, dep habarlaidy QazAqparat.
«Búginge deiin qandai pozitsiiada bolsaq, áli sony ustanyp otyrmyz. Ázirge qaralyp jatyr. Energetika ministrliginiń pozitsiiasy mynadai boldy: energiianyń qosymsha kózderi barda biz bul máseleni qaraimyz. Al qazirgi tańda respýblika energiiamen ózin-ózi qamtyp otyr. Tipti elektr energiianyń bir bóligi eksporttalady», - dedi Nurlan Noǵaev Úkimet otyrysynan keiin tilshilerdiń suraǵyna jaýap bere otyryp.
Energetika ministriniń aitýynsha, qazirgi tańda eldi elektr energiiasymen qamtý máselesin jaqsartý boiynsha sharalar qabyldanyp jatyr.
«Jýyqta Atyraý oblysynda erkin ekonomikalyq aýmaqta respýblikalyq mańyzdaǵy 310 megavattyq Qarabatan gaz-qubyrly elektr stantsiiasy paidalanýǵa berildi», - dedi ol.
«Iaǵni AES qurylysyn júrgizý máselesi jabyldy deýge bola ma?» degen suraqqa ministr «jabyldy deýge kelmeidi, qandai satyda turdy – áli sonda» dep qaitara jaýap berdi.
