Burynǵy QR Densaýlyq saqtaý vitse-ministri Oljas Ábishevke qatysty tergeý jalǵasyp jatyr. Bul týraly QR QM Qarjy monitoringi komitetiniń tóraǵasy Janat Elimanov aitty, dep habarlaidy "Ult aqparat".
«Aqparattyq júie qurý úshin bólingen 500 mln teńgeden astam qarajatty talan-tarajǵa salý kúdigine ilingen burynǵy Densaýlyq saqtaý vitse-ministri Oljas Ábishevke qatysty tergeý jalǵasyp jatyr. Sot sanktsiiasymen ol tutqynǵa alyndy, tergeý jalǵasyp jatyr», -dedi ol Ortalyq kommýnikatsiialar qyzmetindegi baspasóz máslihaty barysynda.
Eske sala ketsek, budan buryn Qazaqstan Respýblikasy Qarjy ministrliginiń Qarjy monitoringi komiteti Densaýlyq saqtaý vitse-ministri Oljas Ábishevtiń qamaýǵa alynǵanyn rastaǵan bolatyn. Ol biýdjet qarajatyn jymqyrdy degen kúdikke ilindi.
Aita ketsek, Oljas Ábishev 2018 jyly Densaýlyq saqtaý vitse-ministri bolyp taǵaiyndalǵan.
