Qostanai oblysynyń Qylmystyq ister boiynsha mamandandyrylǵan aýdanaralyq sotynyń úkimi boiynsha, Qostanai qalasynyń M. esimdi azamaty burynǵy áielin qasaqana óltirýde aiypty dep tanyldy, dep habarlaidy QazAqparat Qostanai oblystyq sotynyń baspasóz qyzmetine silteme jasap.
«2021 jyldyń 16 maýsymynda Qostanaida avtobýs aialdamasynyń janynda burynǵy áielimen urys kezinde sottalýshy M. áieldiń keýde tusyna, ishi men arqasyna kóptegen pyshaq jaraqattaryn saldy. Áiel alǵan jaraqattary saldarynan oqiǵa ornynda kóz jumǵan.
Burynǵy áielin óltirgeni úshin qylmystyq jaýapkershilikten qashý maqsatynda M. óziniń ish qýysyna bir ret pyshaq salǵan», - dep túsindirip ótti sottan.
Sottalýshynyń qastyqpen adam óltirýdegi kinási jábirlenýshiler, oqiǵa kýágerleriniń túsinigi, is boiynsha júrgizilgen saraptama qorytyndylarymen dáleldendi.
«Osylaisha, qylmystyq zańnyń tikelei talabyn oryndaý, sondai-aq istiń naqty mán-jailaryn esepke alǵan sot M-dy qylmystyq-atqarý júiesiniń maksimaldy qaýipsizdik mekemesinde 11 jylǵa bas bostandyǵynan aiyrý jazasyna kesti.
Jábirlenýshilerdiń paidasyna keltirilgen moraldyq shyǵyn ótemaqysy retinde 10 mln teńge kóleminde aqsha tóletildi», - dep qorytyndylady sottan.
Sot úkimi zańdy kúshine engen joq.
