Mońǵoliiada turatyn búrkitshi qazaq qyzy Aisholpan Nurǵaeva ózi týraly film shyqqanan keiin Garvard pen Oksford ýniversitetterinde bilim alýǵa shaqyrtý aldy, - dep habarlaidy ARD. Qazir Aisholpan 11-synypta oqyp jatyr.
Jaqynda Aisholpan Aziianyń bedeldi Asia Game Changer Awards 2017 júldesin ielendi. Sonymen qosa, ony Mońǵoliianyń premer-ministri Ýhnaagiin Hýrelsýh qabyldap, quttyqtady jáne ákesine osyndai qyz ósirip jatqany úshin alǵys bildirdi.
"Kinoǵa túsý qyzyqty bolǵanymen, men áli de dáriger bolǵym keledi", - deidi Aisholpan. Sonymen qatar, ol týyp ósken jerine eńbek sińirgisi keletinin de aitty.
Aisholpan birneshe jyl buryn búrkitshiler saiysynda birinshi oryn alǵannan keiin álemge belgili bola bastady. Ol jarystyń eń jas qatysýshy boldy jáne barlyq sheteldik BAQ-tyń nazaryna túsken. Tipti ol týraly film "Oskar" júldesiniń qysqa tizimine de engen bolatyn.
