Politsiia Býrabaidaǵy balalar lagerinde 11 jasar balanyń jynystyq zorlyq-zombylyqqa ushyraýy boiynsha qylmystyq is qozǵady, dep habarlaidy Ulysmedia.kz.
«NeMolchi.kz» qoǵamdyq qorynyń prezidenti Dina Tańsáriniń aitýynsha, qorǵa 11 jasar balanyń ata-anasy shaǵymdanǵan. Olardyń sózinshe, uldaryna 2011 jáne 2008 jyldary týǵan eki bala jynystyq sipattaǵy zorlyq-zombylyq áreketterin jasaǵan.
«Onymen qoimai, kiimin, shalbaryn, ish kiimin sheship, mazaq etken. Bul jaǵa ustatar sumdyq jaǵdai basshylyǵy balalardyń qaýipsizdigine kepildik bergen balalar lagerinde bolǵan! Bul jaǵdaidy esti sala aǵa tárbieshi zardap shekken balany zorlyq kórsetken balalarmen tatýlastyrýǵa, shý shyǵarmaýǵa kóndirýge kirisken. Degenmen balanyń ata-anasy kinilálerdi zań boiynsha jazalaýdy talap etip otyr», - dep jazdy Dina Tańsári.
Aqmola oblystyq politsiia departamenti “Jynystyq qatynas jasaýǵa, erkek pen erkektiń jynystyq qatynas jasaýyna, áiel men áieldiń jynystyq qatynas jasaýyna nemese nápsiqumarlyq sipattaǵy ózge de is-áreketterge májbúr etý” baby boiynsha qylmystyq isti tergeýde.
