Býrabaida nysandy qaptaýmen ainalysqan bes qurylysshy ekinshi qabattan qulap túsken. Politsiia eńbekti qorǵaý erejesin buzý oqiǵasy boiynsha sotqa deiingi tergeý júrgizýde, dep habarlaidy "Ult aqparat".
Aqmola oblystyq PD baspasóz qyzmetiniń málimetinshe, 13 sáýirde Býrabai aýdandyq PB kezekshilik bólimine ýchaskelik politsiia inspektorynan aýdandyq aýrýhanaǵa 18-47 jas aralyǵyndaǵy jergilikti bes turǵynnyń túrli dene jaraqattarymen túskenin habarlady. Jedel-tergeý toby zardap shekkenderdiń Býrabai kentindegi qurylys nysanynda qaptaý jumystary kezinde qulaǵanyn anyqtady.
«Zardap shekkender óz betinshe qurylys aǵashtaryn montajdaýdy júrgizdi (qurylys, montajdaý jumystaryn oryndaý kezinde jumysshylar men materialdardy ornalastyrý úshin ýaqytsha qosalqy qurylys). Tirek elementterin osal bektilgendikten jumysshylar ekinshi qabattaǵy biiktikten qulady», - deidi vedomstvodan.
Qazirgi kezde, osy oqiǵaǵa bailanysty Qylmystyq kodekstiń 156 babynyń 1 bóligi «Eńbekti qorǵaý erejelerin buzý» boiynsha sotqa deiingi teregý sharalary júrgizilýde. Sonymen birge, memlekettik eńbek inspektorynyń qorytyndysy júrgizilip, sot-meditsinalyq saraptama taǵaiyndaldy.
