Aqmola oblysy Býrabai aýdanynyń 59 jastaǵy turǵyny Bibigúl Ýaisova bir aidan beri tabylmai jatyr. Áieldi politsiia qyzmetkerleri men eriktiler izdestirýde, dep habarlaidy "Ult aqparat".
«Joǵalǵan áieldiń aǵasy politsiiaǵa kómek surap júgindi. Er adam ápkesiniń 11 aqpanda jumysqa ketip, sodan qaityp oralmaǵanyn aitqan. Qazirgi ýaqytta izdestirý sharalaryn júrgizip jatqan tártip saqshylaryna Shýche qalasyndaǵy «Lider.kz» eriktileri kómektesýde», - dedi vedomstvodan.
Politsiia qyzmetkerleri joǵalǵan áieldiń týystary men tanystarynan, kórshilerinen, sondai-aq, joǵalǵan kúni kórgen adamdardan surastyrdy. Sonymen qatar, Bibigúl Ýaisovanyń joǵalýyna qatysty qandai da bir málimeti bar adamdar bolsa, quqyq qorǵaý organdaryna habarlasýyn suraidy.
