Búkilálemdik boks keńesi (WBC) 9 qańtar kúni uiymnyń ótken jylǵy jumystaryn qortyndylap, jankúierlerdiń daýys berýi arqyly 9 nominatsiia boiynsha 2017 jyldyń úzdikterin (The best WBC 2017) anyqtady, dep habarlaidy QazAqparat tilshisi wbcboxing.com. saityna silteme jasap.
Qortyndysynda WBA (Super), IBO, WBC (Interim) jáne IBF nusqalary boiynsha orta salmaqtaǵy Álem chempiony, qazaqstandyq Gennadii Golovkin uiymnyń «Jyl boksshysy» jáne «Jyl jekpe-jegi» nominatsiiasy boiynsha jeńimpaz atandy.
Tailandtyq boksshy Srisaket Sor Rýngvisai «Jyldyń úzdik nokaýty», amerikalyq boksshy Deontei Ýailder «Jyldyń úzdik óner kórsetýshisi», Migel Anhel Garsiia «Jyldyń úzdik qaita oralýshysy», Floid Meivezer jáne Konor MakGregor arasyndaǵy jekpe-jek «Jyl oqiǵasy», shvetsiialyq boksshy Badý Djek «Jyldyń úlgili chempiony», meksikalyq Migel Berchelt «Jyldyń jańa sýper juldyzy», meksikalyq Edýardo Ernandes «Jyl jańalyǵy» nominatsiiasy boiynsha jeńimpazdary atandy.
Aita keteiik, Gennadii Golovkin 2017 jyly 12 raýndtyq 2 jekpe-jek ótkizdi. Nátijesinde «GGG» WBA nusqasy boiynsha álem chempiony Deniel Djeikobsty (33-2-0, 29KO) tóreshiler sheshimimen jeńip, meksikalyq Saýl Alvarespen (49-1-2, 34KO) beldesýi teń nátijede aiaqtalyp, barlyq chempiondyq ataqtaryn qorǵap qaldy.
