4-5 qazanda Býharest qalasynda qazaqstandyq-rýmyn saýda-ekonomikalyq jáne ǵylymi-tehnikalyq yntymaqtastyq jónindegi úkimetaralyq komissiiasynyń 13-shi otyrysy ótti. Bul týraly QR Energetika ministrliginiń baspasóz qyzmeti habarlady.
Qazaqstan tarapynan QR energetika ministriniń orynbasary Maǵzum Myrzaǵaliev, rýmyn tarapynan – Rýmyniianyń ekonomika, saýda jáne týrizm jónindegi ministrliginiń Memlekettik hatshysy Adrian-Mariýs Dobre úkimetaralyq komissiiasynyń jumysyn basqardy.
Otyrys barysynda ekijaqty yntymaqtastyǵynyń keń toby máseleleri, sonyń ishinde energetika, ónerkásip, kólik, aýyl sharýashylyq pen mal óndirisi, kishi jáne orta kásipkerlik, bilim jáne ǵylym, týrizm, bailanys pen aqparattyq tehnologiialar, sondai-aq eki eldiń Saýda-ónerkásip palatalary arasyndaǵy ózara árekettesý máseleleri talqylandy.
Is-sharanyń qorytyndylary boiynsha Qazaqstandyq-rýmyn úkimetaralyq komissiiasynyń 13-shi otyrysynyń hattamasyna qol qoiyldy.
Sonymen qatar, sapar barysynda Qazaqstan delegatsiiasynyń basshysy, QR energetika ministriniń orynbasary M.Myrzaǵaliev Rýmyniia úkimetiniń múshelerimen, atap aitqanda - Premer-ministrdiń orynbasary, Rýmyniianyń qorshaǵan orta ministri Gratsiela Gavrileskýmen, Iskerlik orta, saýda jáne kásipkerlik ministri Ilan Laýfermen, Syrtqy ister ministrliginiń memlekettik hatshysy Danýts Nekýlaeskýmen, Energetika ministrliginiń memlekettik hatshysy Andrei Maiorianýmen, Parlament Depýtattar palatasynyń tóraǵasynyń orynbasary Florin Iordakemen jáne Parlament Depýtattar palatasynyń ónerkásip máseleleri jónindegi komitetiniń tóraǵasy Iýlian Iankýmen kezdesti.
Taraptar ózara tiimdi seriktestikti odan ári jandandyrýdyń aitarlyqtai áleýeti bar ekendigin atap ótip, qysqa merzimdi kezeńde ekijaqty yntymaqtastyqty ilgeriletýdiń mańyzdy baǵyttaryn belgilep qoidy.
Sonymen qatar, 5 qazanda qazaqstandyq-rýmyn biznes-forýmy ótti, onyń jumysyna eki eldiń isker toptarynyń 50 astam ókilderi qatysty. Forýmnyń aiasynda Qazaqstan men Rýmyniianyń ekonomikalaryna investitsiia salýdyń múmkindikteri týraly tusaýkeserler ótkizildi, jáne qazaqstandyq-rýmyn iskerlik yntymaqtastyǵynyń ahýaly jáne bolashaǵy jóninde pikir almasý ótti.
Rýmyniianyń aqparattyq tehnologiialar salasyndaǵy úlken áleýetin jáne bul salalarda rýmyn mamandarynyń joǵary biliktiligin eskere otyryp, «Ulttyq aqparattyq tehnologiialar» AQ basqarmasynyń tóraǵasy Álnur Ermaǵambetov forýmnyń jumysyna qatysty. Ol QR IT - salasynyń qazirgi ahýaly jáne «Tsifrlyq Qazaqstan» ulttyq baǵdarlamasyn júzege asyrý barysy týraly baiandama jasap, rýmyn kompaniialaryn aqparattyq tehnologiialar salasynda tyǵyz yntymaqtastyqqa shaqyrdy.
