Bas kólik prokýratýrasynyń baspasóz hatshysy Abyroi Halyquly Jambyl oblysyndaǵy jarylys kezinde áskeri prokýrordyń qalai kóz jumǵanyn baiandap berdi, dep habarlaidy Sputnik Qazaqstan.
"Tańerteń Ońtústik aimaqtyń áskeri prokýrory Arman Qýanyshuly Qapezovtyń qaza bolǵany týraly qaraly habar jetti. Ol naǵyz ofitser, qamqor áke, senimdi dos, ortasyna syily áriptes boldy", - dep jazdy Halyquly áleýmettik jelidegi paraqshasynda.
Onyń aitýynsha, Arman Qapezov áskeri bólimnen órt shyqqanyn estigen boida oqiǵa ornyna barǵan. Adam ómirin arashalaimyn dep, ózi ajal qushty.
"Osy áreketimen naǵyz prokýror, áskeri antqa adal ofitser jáne Otan aldyndaǵy boryshyn oryndaǵan azamattyń úlgisin kórsetti. Ony tanityn jaqyn áriptesteri isine adal, Otanyn sheksiz súigen laiyqty ofitser boldy deidi. Azamattyq boryshyn atqarý jolynda óz ómirin qiiýǵa daiyn osyndai áriptesterimizdiń arasynda qyzmetimizdi ary qarai jalǵastyra beremiz. Basqa jol joq", - deidi Halyquly.
Prokýratýranyń baspasóz hatshysy Jambyl oblysyndaǵy tótenshe jaǵdai kezinde qaza bolǵan barlyq ofitserdiń otbasyna kóńil aitty.
"Búgin polkovnik Qapezovti týǵan kúnimen quttyqtaýǵa tiis edik…", - dep jazdy Halyquly.
Aita keteri, osy ýaqytqa deiin Jambyl oblysyndaǵy áskeri qoimada bolǵan jarylystardan 9 adamnyń qaitys bolǵany anyqtalǵan.
