1991 jylǵy 1 jeltoqsanda búkilhalyqtyq sailaý nátijesinde elimiz óziniń tuńǵysh Prezidentin sailady jáne osy kúnnen táýelsizdik tarihy bastaldy.
Tarihi sailaý bir kúnde, bir ǵana sátte bola salǵan joq. Aldymen 1991 jyldyń 16 qazanynda Joǵarǵy Keńes «Qazaq SSR Prezidentin sailaý týraly» zańdy qabyldady. Osy zańmen birge 1991 jyldyń 1 jeltoqsanyn Qazaq SSR Prezidentin sailaý kúni retindei belgilegen qaýly da shyqty. Osylaisha Qazaqstan tarihynda tuńǵysh ret Respýblika basshysyn jalpyǵa birdei, teń jáne tóte sailaý quqyǵy negizinde jasyryn daýys berý arqyly tańdaýǵa jaǵdai jasaldy.
Al 1 jeltoqsan kúni - el tarihyndaǵy tuńǵysh jalpyhalyqtyq sailaýǵa qatysqan halyqtyń 98,78 paiyzy Nursultan Nazarbaevqa daýys berip, Memleket basshysy retinde tańdaldy. 5 jeltoqsan kúni Ortalyq sailaý komissiiasy sailaýdyń sońǵy qorytyndysyn jariia etti. Ol boiynsha respýblikadaǵy 21 sailaý okrýgindegi sailaýshylar tizimine 9 961 242 azamat engizilgen. Onyń ishinde sailaýǵa 8 788 726 adam nemese 88,23% qatysty. Sailaý nátijesi boiynsha Nursultan Nazarbaevty qoldap sailaýshylardyń 8 681 276-i daýys bergen, bul - sailaýǵa qatysýshylardyń 98,78 paiyzy . Osylaisha, Nursultan Nazarbaev barsha halyq sailaǵan Qazaqstannyń Prezidenti mandatyn tuńǵysh ret ielendi.
2011 jylǵy 14 jeltoqsanda Memleket basshysy «Qazaqstan Respýblikasyndaǵy merekeler týraly» Qazaqstan Respýblikasynyń Zańyna tolyqtyrýlar engizý týraly» zańǵa qol qoidy, onda 1 jeltoqsanda atap ótiletin jańa memlekettik mereke - Qazaqstan Respýblikasynyń Tuńǵysh Prezidenti kúnin belgileý kózdelgen bolatyn.
