Qazaqstannyń iri kásiporyndary «Jer saǵaty» dúniejúzilik aktsiiasyna qatysyp, búgin saǵat 20.30-21.30 aralyǵynda elektr energiiasyn óshiretin bolady, dep habarlaidy "Ult aqparat".
«Búgin Jabaiy tabiǵat dúniejúzilik qory uiymdastyrǵan jyl saiynǵy «Jer saǵaty« dúniejúzilik aktsiiasy ótýde. Bul, ǵalamshardaǵy jappai ekologiialyq aktsiia bolyp tabylady. Osy kúni belgilengen ýaqytta ártúrli elderdiń adamdary bir saǵatqa elektr quraldaryn jáne kez kelgen jasandy jaryq kózderin ajyratady. Aktsiianyń máni – ǵalamshar klimatynyń ózgerýi problemasyna álemdik qoǵamdastyqtyń barynsha nazaryn aýdarý, osy problemany sheshý qajettiliginiń ideiasyna qoldaý kórsetý», - delingen QR Ekologiia, geologiia jáne tabiǵi resýrstar ministrliginiń málimetinde.
Aktsiiaǵa álem boiynsha 188 eldiń eki milliardtan astam adamy qatysyp, 18 myńnan astam arhitektýralyq eskertkishterdiń jaryǵy sónetin bolady.
Biyl «Jer saǵaty» 28 naýryzda jergilikti ýaqyt boiynsha saǵat 20.30-dan 21.30-ǵa deiin ótedi.
Ministrlik respýblikanyń 171 kásipornyn aktsiiany qoldaýǵa shaqyrdy. Olardyń arasynda naqty qoldaý bildirgenderi: «ArselorMittal Temirtaý» AQ, «Kaztsink» JShS, «Úlbi metallýrgiialyq zaýyty» AQ, «Óskemen titan-magnii kombinaty» AQ, «QazFosfat» JF JShS, «Taraz metallýrgiialyq zaýyty» JShS, «Qazatomónerkásip Saýran» JShS, «Qazahaltyn» AQ, «SSKÓB» AQ, «Qostanai mineraldary» AQ, «QazTransOil» AQ, «Embimunaigaz» AQ, «Teńizshevroil» JShS, «Nort Kaspian Opereiting Kompani N.V.» «Qazaqstan aliýminiii» AQ.
«Respýblikanyń bei-jai qaramaityn barlyq turǵynyn aktsiiaǵa qatysýǵa shaqyramyz. «Jer saǵaty« komandasynyń bir bóligi bol!», - dedi QR Ekologiia, geologiia jáne tabiǵi resýrstar ministrliginen.
