Búgin qazaqstandyqtar aýdandyq mańyzy bar qalalar, aýyl men kentter jáne aýyldyq okrýgterdiń ákimderin sailaidy.
Osy jazdyń eń mańyzdy saiasi oqiǵasy el aýmaǵynda tańǵy 7-de bastaldy.
Kandidattardy resmi tirkeý shildeniń 14-inde aiaqtaldy. Al keshe «tynyshtyq kúni» boldy. Iaǵni elde qandai da bir sailaýaldy úgit-nasihat júrgizýge tyiym salyndy.
Jalpy búgingi sailaýǵa qatysý úshin bas-aiaǵy 2582 úmitker usynylǵanyn aityp ketý kerek. Olardyń 89 protsentke jýyǵy tirkeýden ótti.
Resmi derekterge sai, sailaýǵa saiasi partiialar 878 adamdy, al qalǵany ózin ózi usynyp otyr. Olardyń arasynan halyq 775 ákimdi tańdaýy tiis. Tirkelgen kandidattardyń 84 paiyzy – er azamattar, qalǵany – áielder. Olardyń ortasha jasy qyryqta. Jalpyǵa ortaq talap boiynsha úmitker 25 jasqa tolýy kerek.
