foto: Astana halyqaralyq áýejaiy
Búgin Astana halyqaralyq áýejaiy óziniń 8,3 millionynshy jolaýshysyna qyzmet kórsetti. Bul 2024 jylǵy rekordtyq kórsetkish, sondai-aq Astana áýejaiy úshin tarihi oqiǵa. Elorda áýejaiynyń 8,3 millionynshy jolaýshysy LO195 reisimen Varshava-Astana baǵytymen ushyp keldi.
«Astana halyqaralyq áýejaiy jyldan jylǵa álemdik aviatsiialyq qoǵamdastyqta óziniń mańyzdylyǵyn dáleldep kele jatyr. 2024 jyly bizdiń áýejaidan Seýl, Goa, Fýkýok, Phýket, Abý-Dabi, Sianýkvill, Milan, Praga jáne Mineraldy Sýlarǵa turaqty reister ashylyp, jańartyldy. Ótken jyly biz 7,5 million jolaýshyǵa qyzmet kórsetsek, biyl jolaýshylar aǵynynyń ósimi 10% qurap, 8,3 millionǵa jetti», - dedi Astana halyqaralyq áýejaiynyń Basqarma Tóraǵasy Iýsýf Aljavder.
Bul jetistik áýejaidyń eldegi kólik infraqurylymyn damytýdaǵy mańyzdy rólin jáne onyń Qazaqstan ekonomikasyna qosqan úlesin kórsetedi. Astana áýejaiynan orta eseppen 200-den astam reis oryndalady, bul Qazaqstannyń bas qalasyna týristik jáne iskerlik baǵyt retinde qyzyǵýshylyqtyń artyp kele jatqanyn kórsetedi.
