Foto: Mádeniet jáne aqparat ministrligi
Búgin – aqyn, jýrnalist, qoǵam qairatkeri Jeńis Aronovtyń týǵanyna 80 jyl, dep habarlaidy Ult.kz.
Jeńis Aronov 1945 jyly 5 qyrkúiekte Isatai aýdanyndaǵy Zabýrýne aýylynda dúniege kelgen.
Ol Oraldaǵy A.S.Pýshkin atyndaǵy pedagogikalyq institýtty támamdap, eńbek jolyn ustazdyqtan bastaǵan. Keiin mektep direktorynyń orynbasary, aýdandyq partiia komitetiniń hatshysy, oblystyq ishki saiasat basqarmasynyń bólim basshysy syndy jaýapty qyzmetter atqardy.
Aronov memlekettik tildiń damýyna, baspasóz ben mádeniet salasynyń órkendeýine úles qosty. «Atyraý-Jaryq», «AMÓZ», «Qazaqtelekom» kásiporyndarynda memlekettik tildi engizý jumystaryna bastamashy boldy.
Ol – Qazaqstan Jýrnalister odaǵy men Jazýshylar odaǵynyń múshesi. «Jaiyqtyń jaisań samaly» (2000), «Nursáýle» (2003), «Dossor túlekteri» (2005), «Ainalaiyn, Atameken» (2010) syndy kitaptardyń avtory.
Sonymen qatar aimaqtyń tarihy men tulǵalary jaily eńbekter jazyp, jas aqyn-jazýshylardyń shyǵarmalarynyń jaryq kórýine qoldaý kórsetti.
Jeńis Aronov 1995 jyly oblys ákiminiń Qurmet gramotasymen, 2004 jyly «Qazaqstan Respýblikasynyń Mádeniet qairatkeri» ataǵymen, 2012 jyly Prezidenttiń Qurmet gramotasymen marapattalǵan.
