Foto: alash.kz
Qazaqtyń aqyny, aǵartýshy-demokraty Sultanmahmut Toraiǵyrov (1893–1920) - 28 qazanda Kókshetaý oblysy, Qyzyltý aýdanynda týǵan.
Qalamger 1912 jyly Troitskidegi Ahýn Rahmanquli medresesine túsedi. Osy kezden aqyńdyqqa den qoiyp, «Oqyp júrgen jastarǵa», «Tálipterge», «Endigi betalys», «Oqýdaǵy maqsat ne?», «Shyǵamyn tiri bolsam adam bolyp», t.b. óleńderin, «Zarlandym» atty uzaq ocherkin jazdy. Osy tusta «Qamar sulý» romanyn jazýdy bastady.
Ol ómir shyndyǵyn kórkem beinelei kele, qazaq óleńiniń mazmunyn keńeitti, syrǵa toly lirikalyq jyrlar qaldyrdy. Kóptegen áńgime, ocherkter, ádebi-syn maqalalar jazdy, eki roman («Qamar sulý», «Kim jazyqty?»), tórt poemasyn («Tanystyrý», «Adasqan ómir», «Kedei», «Aitys») jariialady.
Qalamger «Qamar sulýda» áiel teńsizdigi máselesin kótere otyryp, dáýir shyndyǵyn áleýmettik turǵyda taldady.
Toraiǵyrov shyǵarmalary – 20 ǵasyrdyń basyndaǵy qazaq qoǵamy shyndyǵyn, ondaǵy jańashyl oi-pikirdiń damýyn tanytatyn úlken mura.
