Búgin, 10 tamyzda uly oishyl, aǵartýshy, aqyn Abai Qunanbaiulynyń týǵanyna 180 jyl, dep habarlaidy Ult.kz.
2020 jyly Memleket basshysy Qasym-Jomart Toqaevtyń jarlyǵymen 10 tamyz Abai kúni bolyp bekitilgen bolatyn.
Osyǵan orai elimizdiń túkpir-túkpirinde Abai kúni toilanyp, túrli sharalar ótip jatyr. Uly oishyl Abaidyń týǵan jeri Abai oblysynda on kún qatarynan túrli ǵylymi-mádeniis- sharalar, kontserttik baǵdarlamalar, konferentsiialar men qoiylymdar ótip jatyr. Abai Qunanbaiulynyń týǵanyna 180 jyl tolýyna orai elimiz boiynsha 5 000-nan astam is-shara josparlanǵan.
Abai Qunanbaiuly 1845 jyly 10 tamyzda Semei óńirinde Shyńǵystaý baýraiyndaǵy Qasqabulaq aýylynda (qazirgi Abai oblysy Abai aýdany) dúniege keldi. Abaidyń azan shaqyryp qoiǵan aty – Ibrahim, ájesi erkeletip "Abai" dep ataǵan. Dúiim jurtqa "Abai" esimimen tanyldy. Abai Qunanbaiuly aqyn, jazýshy, oishyl-filosof, zertteýshi ǵana emes, kompozitorlyq qyry da bolǵany barshaǵa málim.
