Turǵyn úi zańnamasyn jetildirý boiynsha túzetýler ótken jyldyń sońynda qabyldandy jáne biylǵy 7 qańtarda kúshine endi. Bul týraly QR Indýstriia jáne infraqurylymdyq damý ministrliginiń 2019 jyldyń qorytyndylary men 2020 jylǵy mindetterge arnalǵan keńeitilgen alqa májilisinde aityldy, dep habarlaidy QazAqparat.
«2019 jyly turǵyn úi zańnamasyn jetildirý boiynsha aýqymdy jumys júrgizildi. Ázirlengen túzetýler ótken jyldyń sońynda qabyldandy jáne 7 qańtarda kúshine endi», - deidi QR Indýstriia jáne infraqurylymdyq damý birinshi vitse-ministri Qaiyrbek Óskenbaev.
Onyń aitýynsha, zańnamalyq deńgeide kóppáterli úilerdi basqarýda «Bir úi – bir birlestik – bir shot» qaǵidaty boiynsha «múliktiń menshik ieleri birlestigi» kommertsiialyq emes uiymyn qurýdyń jańa nysany kózdelgen.
«Turǵyn úidi odan ári kúrdeli jóndeý úshin jinaq júiesi engizildi (0,005 AEK - 1 sharshy metr úshin 13,3 teńge). Basqarý organdarynyń qyzmeti ashyq júrgiziledi, sondai-aq basqarý organdaryn menshik ieleri tarapynan baqylaý jáne áleýmettik infraqurylym obektilerindegi qaýipti tehnikalyq qurylǵylardy, gaz jáne gazben jabdyqtaý obektilerin qaýipsiz paidalaný normalary kózdelgen. Turǵyn úi jáne turǵyn úi-qurylys kooperativteriniń qyzmeti rettelgen jáne quraldardy satyp alý ashyq júrgiziledi», - deidi ol.
