Briýssel úkimeti koronavirýs infektsiiasymen kúres boiynsha qatań sharalar qabyldady, dep habarlaidy "Ult aqparat".
Bul bir apta ishinde Belgiiada engizilgen tyiymdarǵa qatysty bolyp otyr.
Belgiianyń ulttyq qaýipsizdik keńesi 23 qyrkúiekte kóshede maska kiiý mindetin jáne kásibi uiymdastyrylǵan keshterdegi meimandar sanyna shekteýdi alyp tastady. Alaida Ulttyq qaýipsizdik keńesiniń bul sharalary meditsinalyq sarapshylardyń narazylyǵyn týdyrdy, olar koroldiktiń qaýipsizdik organy olardyń pikirin elemedi dep málimdedi. Flamandiianyń bes ýniversitetiniń rektorlary da qarsy boldy, olar óz stýdentterine karantinniń burynǵy qaǵidalaryn ustanýǵa keńes berdi.
Osydan keiin Briýssel óńiriniń úkimeti koronavirýstyń taralýyna qarsy kúresti kúsheitý úshin óz sharalaryn engizýde. Briýsseldiń ministr-prezidenti Rýdi Vervýrt aimaqtaǵy daǵdarys tobynyń shuǵyl otyrysyn shaqyrdy, onyń quramyna19 kommýnanyń meri, alty politsiia aimaǵynyń basshysy, Briýssel okrýginiń bas ákimshisi jáne bas prokýrory kiredi.
Jańa talap boiynsha, Briýssel barlary saǵat 01:00 ornyna 23:00-de jabylýy kerek. Saǵat 23:00-den 06:00-ge deiin onnan astam adamnyń jinalýyna jol berilmeidi. Tamaq pen sýsyn satatyn barlyq dúkender 22:00-de jabylýy tiis. Kóshe bazarlarynda tamaqtanýǵa tyiym salynady.
Atalǵan sharalar 2020 jylǵy 1 qazannan bastap kúshine enedi. Qatańdatylǵan jańa sharalar Belgiia astanasynda infektsiialar sanynyń ósýine bailanysty. Qazirgi ýaqytta el boiynsha jańa jaǵdailardyń ortasha táýliktik sany 1528,7 quraidy, Briýsselde ol kez kelgen provintsiialarǵa qaraǵanda kóp, iaǵni 2305 quraidy.
