Foto: pixabay.com
Ulybritaniianyń eń iri áýekompaniiasy British Airways personaldyń jetispeýshiligine bailanysty tamyzdan qazannyń sońyna deiin taǵy 10 300 reisti toqtatty. Bul millionnan astam saiahatshylardyń josparlaryn buzady, - dep habarlaidy kaz.tengritravel.kz portaly Independent internet-basylymyna silteme jasap.
"Barlyq aviatsiia salasy kúrdeli problemalarǵa tap bolyp otyr. Úkimet osy jazda áýejailardaǵy yqtimal úzilisterdi azaitý úshin jeńildetý sharalaryn qabyldaýǵa sheshim qabyldady. Reisterdi toqtatý jónindegi budan ári is-qimyldar biz qalaǵandai bolmasa da, bul - bizdiń klientterimiz ben áriptesterimiz úshin durys sheshim", - dep basylym British Airways ókiliniń sózin keltirdi.
Tasymaldaýshy pandemiiadan keiin personal jetispeýshiliginen eń kóp zardap shekkenderdiń qatarynda boldy. Bul jumysta úlken úzilisterge alyp keldi jáne demalýshylardyń da narazylyǵyn týǵyzdy.
Basylymnyń habarlaýynsha, jazǵy maýsymda British Airways shamamen 30 000 reisti toqtatty. Negizinen, Londonnyń Hitroý, Gatvik jáne London-Siti áýejailarynda oryn aldy.
