Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Ulybritaniia Elshisi Maik Giffordtty elimizdegi diplomatiialyq missiiasynyń aiaqtalýyna orai qabyldady, dep habarlaidy QR SIM baspasóz qyzmeti.
Dostyq ruhynda ótken áńgime barysynda diplomattar barlyq negizgi baǵyttar boiynsha qazaqstan-britan yntymaqtastyǵynyń jai-kúii men keleshegin talqylady.
Syrtqy saiasat vedomstvosynyń basshysy Elshiniń Nur-Sultan men London arasyndaǵy strategiialyq áriptestikti keńeitýge jáne nyǵaitýǵa qosqan úlesin erekshe atap ótti. Suhbattastar Koroldiktiń Eýropalyq odaqtan shyǵýyna bailanysty Qazaqstan men Ulybritaniia arasyndaǵy strategiialyq áriptestik pen yntymaqtastyq týraly jańa kelisimge qol qoiý boiynsha birlesken josparlardy quptady.
M.Giffordttyń ekijaqty bailanystardy damytýǵa qosqan jeke úlesin nazarǵa ala otyryp, britan diplomaty QR Syrtqy ister ministriniń Qurmet gramotasymen marapattaldy.
