- Ministrdiń sózine qaraǵanda, jylý maýsymy bastalǵaly beri bir jarym aidyń ishinde bir ǵana "QazTransGaz Aimaq" kásiporny aldyndaǵy energiia shyǵarýshy kompaniialardyń qaryzy 9,3 mlrd. teńgeni qurady, dep xabarlaidy "Ult aqparat".
"Eń kóp qaryzy barlardyń ishinde: MAEK-Qazatomónerkásip - 5,3 mlrd. teńge, "Energoortalyq Shymkent" kásiporny - 1,5 mlrd. teńge, Almaty jylýkommýnenergo - 839 mln. teńge, Jaiyq jylýenergo - 680 mln. teńge jáne Qyzylorda jylýenergo - 614 mln. teńge qaryz", - dedi Q.Bozymbaev Úkimettiń búgingi otyrysynda.
Onyń aitýynsha, "Bogatyr kómir" kompaniiasy aldyndaǵy energiia óndirýshilerdiń qaryzy da bir milliardqa jýyqtaidy. Kómir úshin boryshker bolyp otyrǵandardyń úshtigine Ekibastuzdyń JES-2, Pavlodarenergo men Astanaenergo endi.
"Aldaǵy ýaqytta otyndy jetkizý jaǵynan qiyndyqtar týyndamas úshin Mańǵystaý, Ońtústik Qazaqtan, Qyzylorda, Aqtóbe, Pavlodar, Soltústik Qazaqstan men Batys Qazaqstan oblystarynyń ákimdikteri óz qaryzdaryn óteýi tiis", - dep atap kórsetti ministr.
